Firwat hutt Dir dës Säit ugeklickt?
War et aus Virwëtz? War et eng Kaart, déi Dir mat der Post krut? D’Bild? Oder waart Dir intrigéiert vum Titel “Wat wier, wann?”
Wat och ëmmer Är Äntwert ass, se ass richteg, well Dir sidd elo hei, bei mir, an ech sinn dankbar fir Äre Besuch, onofhängeg vun Äre Motivatiounsgrënn.
De Sprong vun engem gut bezuelten Job an deem ee sech schonn zanter éiweg sécher spiert an d’Selbstännegkeet kann opreegend an och nervenopreiwend sinn. Awer fir déi, déi dës Energie a Passioun matbréngen, ass déi positiv Opreegung fir endlech eppes Eegenes op d’Been ze stellen, mat engem eegene Projet an säin eegene Chef ze sinn einfach méi staark wéi d’Angscht.
